Eru hrákadallar bannaðir?

Nei, mér vitanlega ekki. Samt eru þeir hvergi seldir.

HEIMDALLUR skýtur sig illilega í fótinn þegar þeir andmæla ályktunum tóbaksvarnarþings Læknafélags Íslands og mótmæla því að læknar vilji banna tóbak.

Í ályktunum þingsins segir hvergi að banna skuli tóbak. Það er lagt til að tóbak verði tekið úr almennri sölu í verslunum og söluturnum. Það sér hvert mannsbarn að það er ekki hið sama og að banna tóbak. Bjór og brennivín er t.d. ekki bannað, þó ekki sé það selt alls staðar.

Læknar vonast svo til að Ísland verð fyrsta landið í heiminum þar sem tóbak hverfi alfarið úr almennri sölu. En læknar eru EKKI að leggja til að tóbak verði bannað. Einfaldlega að tóbakið fari sömu leið og hrákadallarnir. Á öskuhauga sögunnar.

Einhver að reyna að hakka sig inn á síðuna mína?!

Teljarinn sýni furðulega hegðun, 3381 innlit úr 5 IP-tölum í dag, inn á óvirka bloggsíðu!

Kannast einhverjir við að bloggsíðuteljarar fari á svona harðaspan upp ú þurru?

Er einhver leynileg árás í gangi á okkur "nafnlausu" bloggarana?

 

Af hverju hulin andlit?

Af hverju hylja sumir gesta Forsetans andlit sín? Skammast fólk sín fyrir það sem það gerir? Er það feimið við að birtast í fjölmiðlum?  Heldur fólk að það falli í ónáð einhvers staðar ef sést til þess í mótmælaaðgerðum?

Ólafur og Dorrit buðu mótmælendum upp á kaffi

Getur þá Kópavogur skilað Gusti...

lóðina og fengið 3.5 milljarðana endurgreidda?

Eða endar sem sagt málið þannig að bæjaryfirvöld Kópavogs færðu Gusti 3.500.000.000 kr úr sjóðum bæjarins fyrir gömul hesthús?  Ekki nema ca. 140 þús á hvern íbúa Kópavogs.

Skila lóðum á Glaðheimasvæðinu

Það er EKKI verið að hengja bakara fyrir smið!!

Það er einfaldlega verið að krefjast þess að yfirsmiðurinn og eftirlitsverkfræðingurinn sem kvittaði uppá spilaborgina sem hrundi, víki frá.

Mótmæla Davíð Oddssyni

"Singing Bee" - er það ekki pínu 'lame' ?

Sjónvarpstöðvar sem hafa ekki frjóa framleiðendur eða vilja lágmarka áhættu við þáttagerð geta keypt þátta-'konsept' sem aðrir hafa þróað og hafa gengið vel annars staðar. Sérstök stofnun í Sviss sér um að selja svona pakka sem kosta skildinginn, Idol, X-Faktor, 'Viltu vinna milljón' og 'Ertu skarpari en skólakrakki' eru allt dæmi um slíkt.

Nýjasti þátturinn með tilbúnu erlendu sniði af þessum toga er þáttur Skjás eins 'Singing Bee'.

Áhorfendur kunna að velta fyrir sér nafngiftinni, en þar er vísað til þekktrar stafsetningarkeppni, 'Spelling Bee', sem sumir muna eftir úr sjónvarpi og bíómyndum. 

Þetta er svo sem skiljanlegt en maður hefði þó haldið að söngelsk og frumleg þjóð gæti fundið upp á ekki síðri skemmtiþáttum, ég hef raunar ekki séð þennan þátt á Skjá einum svo ekki get ég dæmt um hann.

Svipað þekkist úr skyndibitabransanum, þar sem keyptur er aðgangur að þekktum vörumerkjum, með tilheyrandi stöðluðu útliti og mat. Undantekningar þekkjast þó, svo sem hinn ramm-íslenski veitingastaður American Style, þar sem mér skilst að frumlegur veitingamaður hafi búið til sitt eigið konsept sem virkað hefur vel, í stað þess að kaupa tilbúið að utan.  Mættu sjónvarpsstöðvar taka þetta til fyrirmyndar.

Skyldi þó ekki vera...

að það séu að koma í ljós enn og aftur ársfjórðungsendasáhrif á gengið??

 

Evran nálgast 140 krónur

Um blogg þingmanns

 

Vægast sagt sérstakur pistill frá þingmanninum Jóni Magnússyni. Hann segir:

 Í dag voru 6 dönsk ungmenni fundin sek um að afla fjár til hryðjuverkastarfsemi. Hvaðan skyldu þau ungmenni vera komin til Danmerkur?

M.ö.o. gefur þingmaðurinn sér að þetta hljóti að hafa verið innflytjendur. Eins og bent hefur verið á er það mesti misskilningur, þetta voru danskir unglingar úr hópnum 'Fighters and Lovers'. Um dóminn má lesa hér og ögn meira um þetta sérstaka dómsmál má lesa t.d. hér.

Ég ætla ekki að taka afstöðu með þessum hópi Dana, en augljóst er að þessir krakkar eru sannarlega engin dönsk 'Al Queda' sella eins og Jón Magnússon virðist halda. 

Vonandi hafa krakkarnir fengið skárri meðhöndlun en Svíi af sómölskum uppruna sem sakaður var um sama glæp en sleppt eftir margra mánaða gæsluvarðhald þegar ljóst var að ekki stóð steinn yfir steini í ákærunni.  Maðurinn hafði sent peninga til síns heimalands og á grundvelli símhleranna (illa þýddar í hendur sænsku lögreglunnar) var hann grunaður um að senda peningana til andspyrnuhópa sem hafa verið stimpluð sem hryðjuverkahópar, þó svo sú skilgreining sé afar umdeild, m.a. í ljósi stjórnmálaástandsins í Sómalíu.

Þingmaðurinn fer svo yfir í alls óskylt mál og ræðir um fréttir af vopnuðum átökum glæpahópa í Danmörku. Þetta eru vissulega ógnvænlegar fréttir, því þó svo þessar glæpamafíur séu fyrst og fremst að skjóta hver á aðra, þá er alltaf hætta á að saklausir verði fyrir barðinu, sérstaklega þegar átökin stigmagnast. Það gerðist síðast þegar svona "mafíustríð" geisaði í Kaupmannahöfn fyrir rúmum áratug og stigmögnuðust átök þar til farið var að nota sprengjuvörpur. Á þessum tíma voru klíkurnar "danskar", glæpagengin 'Hells Angels' og 'Bandidos'.

Í stríðinu sem nú geisar berjast Hells Angles við aðra hópa. Það sérstaka við grein þingmannsins er að honum finnst ástæða til að bera blak af fyrrnefndum Vítisenglum, eins og þeir séu á einhvern hátt "saklausari" aðilinn í þessum deilum!

í gær birtist eftirfarandi frétt á visir.is:

Átök Vítisengla og innflytjendahópa í Danmörku hafa nú náð slíkum hæðum í Árósum að félagar í Vítisenglum eru teknir að flytja fjölskyldur sínar burt frá bænum.

Að sögn lögreglu hafa englarnir komið sér upp dauðalista og ætla sér að ráða þrjá félaga í hinum svokölluðu Trillegårds-samtökum af dögum en það eru glæpasamtök innflytjenda. Búist er við að til tíðinda dragi um helgina og hefur lögregla mikinn viðbúnað af þeim sökum.

Þetta er sem sagt "rólegi aðilinn" að sögn þingmannsins.

Ég er alveg sammála Jóni Magnússyni að það eigi að reyna með öllum ráðum að koma í veg fyrir að erlendar glæpaklíkur leiti hingað og sú áhætta er auðvitað raunveruleg. 

Hins vegar er dálítið sérstakt að lesa úr þessum hugleiðingum Jóns um tvær óskyldar fréttir að hann virðist halda að flest sem miður fer í Danmörku hljóti að vera af völdum innflytjenda; ungmenni sem eru dæmd fyrir að hafa ætlað að styðja hryðjuverkastarfsemi hljóti að hafa verið af erlendum uppruna, og í deilum tveggja harðsvíraðra glæpahópa tekur Jón hálf partinn upp hanskann fyrir þeim "þjóðlegri"!

Dönsk ungmenni studdu hryðjuverkasamtök

McCain og Palin

Ágætis pistill um það skötuhjú úr NYTimes, þar sem m.a. segir:

We still don’t know a lot about Palin except that she’s better at delivering a speech than McCain and that she defends her own pregnant daughter’s right to privacy even as she would have the government intrude to police the reproductive choices of all other women.

...

Apparently when McCain said in June that his vice presidential vetting process was basically “a Google,” he wasn’t joking.

This is a roll of the dice beyond even Bill Clinton’s imagination. “Often my haste is a mistake,” McCain conceded in his 2002 memoir, “but I live with the consequences without complaint.” Well, maybe it’s fine if he wants to live with the consequences, but what about his country? Should the unexamined Palin prove unfit to serve at the pinnacle of American power, it will be too late for the rest of us to complain.

30 milljarða gjaldeyrislánið dugir í hvað marga daga?

Lánið dugir sem sagt ekki fyrir eins mánaðar viðskiptahalla. Ársfjórðungur er 13 vikur. Viðskiptahallinn var sem sagt 9.85 milljarðar í viku hverri að meðaltali, 1.4 milljarður á dag. 30 milljarða lán ríkisstjórnarinnar ést upp á þremur vikum.

Nú er ég ekki hagfræðimenntaður en einhvernveginn er erfitt að skilja hvaða áhrif þetta lán á að hafa.